Eid kommune – ny klimaspydspiss!

Marius Holm, leiar i miljøstiftinga ZERO, besøkte torsdag Nordfjordeid og utnemnde Eid til «klimaspydspiss-kommune» nummer seks i Noreg.

– Vi er glade for å få Eid kommune med i klimasamarbeidet. Eid har med sin nyskapende fjordvarmesatsning og energisparing i bygg vist at småkommuner kan gå foran og vise vei mot nullutslippssamfunnet, sier Marius Holm i ZERO.

– Vi er stolte over at Eid kommune som klimaspydspiss kan vise fram nasjonalt det unike kompetansemiljøet som er på Eid knytt til fjordvarme, elektro/automasjon og smart energibruk i bygg. Vi trur våre løysingar også kan hjelpe andre til vesentleg reduserte energikostnader og klimakutt, seier Alfred Bjørlo (V), ordførar i Eid. 

– Eid kommune vil ha stor nytte av kompetansen vi får gjennom Zero og kommune-nettverket for å bli endå betre på energi og klima, seier ordførar Alfred Bjørlo. – Det gjeld både i den kommunale drifta, og i planlagt samarbeid med næringslivet i regionen og Eid vidaregåande skule om oppbygginga av eit Energikompetansesenter og mulige pilotbygg for smart energibruk og velferdsteknologi. 

Det ligg også ei rekke andre mulige satsingsområde i klimaspydspiss-samarbeidet, mellom anna på nullutslepp i transport, bioenergi og bygg. I klimapilotprosjektet vil ZERO bidra med fagkompetanse på nullutslippsløysingar, og samarbeide med deltakande kommuner om konkrete problemstillingar og prosjekt innanfor kommunen sin klima- og energihandlingsplan. 

Eid er den sjette klimaspydspisskommunen i landet. Klimaspydspiss-prosjektet blir drive av miljøstiftinga ZERO med støtte av KRD.

Zero-leiar Marius Holm, ordførar Alfred Bjørlo og rektor Ove Bjørlo på omvising på Eid vgs/Operahuset Nordfjord. Bygget er blant dei mest energieffektive skulebygga i landet med energibruk på under 85 kilowattimer per kvadratmeter

Vaktmeister ved Eid vidaregåande skule/Operahuset Nordjford, Henrik Aabrekk, orienterer ZERO-leiar Marius Holm og ordførar Alfred Bjørlo. Bygget har innlagt fjordvarme, har avansert energistyring og er blant dei mest energieffektive skulebygga i landet med energibruk på under 85 kilowattimer per kvadratmeter

Foran Fjordvarmeinntaket på Nordfjordeid: Anne van Oorschot (ReNorway), Marius Holm og Jenny Skagestad (ZERO) og Arild Hjelmeland (Fjordvarme AS)

ZERO-leiar Marius Holm og ordførar Alfred Bjørlo (Eid) med provet på at Eid er utnemnt til klimaspydspiss 18. april 2013

ZERO-sjef Marius Holm på omvising i teknisk rom på Nordfjord sjukehus saman med driftsleiar Per Helge Haugen, Helse Førde. Nordfjord sjukehus er varma opp med fjordvarme og varmepumper, og har lågast energibruk pr m² av alle sjukehusbygg i Noreg.